TAMSHIYACURI BURUZKO AZALPENAK

Tamshiyacu

View SlideShare presentation or Upload your own.

TAMSHIYACU-RA BIDAIA: 2009KO ABUZTUAN

JOATEKO EDOTA PROIEKTUAN PARTE HARTZEKO DEITU EDO IDATZI:
ZORRIZKETAN: 94 455 60 76 / 605 74 87 63
zorrizketan@euskalnet.net

ARGAZKI ERAKUSKETA ETA PROIEKTUAREN ZEHAZTASUNAK

Lezamako Kultur Aretoan:

• Abenduaren 21 (12:00-14:00), 24 (17:00-19:00), 28 (12:00-14:00) eta 31 (17:00-19:00)
• Urtarrilaren 4 (12:00-14:00).

TAMSHIYACU-LEZAMA PROIEKTUA

SARRERA
Tamshiyacu-Lezama (Lezama-Tamshiyacu) proiektua Zorrizketan Lezamako Euskera Alkartearen baitan sortu zen 2005. urtean, Josemari Legarreta Basauriko misiolariaren proposamenez. Adiskidetze edo anaitasun proiektua izan gura du, herri bien arteko elkartruke kulturala bultzatzeko asmoz eta Lezamatik Tamshiyacura elkartasuna eramateko gurariz, euren beharrizanetarako, osasun eta hezkuntza mailan batez ere, laguntasuna eramanez. Zorrizketanen iniziatiba bada ere, Lezamako beste kultura eta kirol elkarte guztiei egingo zaie proiektuan parte hartzeko gonbitea, denon indarrarekin askoz ere aberatsagoa eta solidarioagoa izango delakoan.
Proiektuaren ordezkari ofizialak bi izango dira, herri bakoitzetik bat: Tamshiyacuko Parrokia (Josemari Legarreta) eta Zorrizketan Lezamako Euskera Alkartea. Euren bitartez egingo dira trukaketa guztiak, materialak zein kulturalak.

HELBURUAK
- Lehenengo helburua, elkartruke kulturala: lezamarrok eta proiektura batuko diren inguruko besteek, Tamshiyacu-ko kultura –antropologia, hizkuntzak, folklorea, etab.– eta bizimodua sakonki ezagutzea eta, ahal den neurrian geure kultura eurei erakustea. Elkartruke kultural hau, beti ere, bata-bestearenganako errespetu osoz egingo da, inolako inposaketa edota indarkeriarik gabe.
- Bigarren helburua, elkartasuna: Tamshiyacu-n dituzten beharrizanei aurre egiten laguntzeko –osasun eta hezkuntza mailan batez ere– Lezaman eta inguruan behar eta ahal diren ekintzak burutu eta materialak batu.
Helburuok betetzen ahalegintzeko, Lezamako elkarte guztien artean zenbait ekintza proposatu eta bideratuko dira.

PARTE HARTZAILEAK:
- Josemari Legarreta, Tamshiyacu-ko parrokoa.
- Zorrizketan Lezamako Euskera Alkartea.
- Lezamako beste edozein kultur edo kirol elkarte.
- Txorierriko beste edozein kultur edo kirol elkarte.
- Beste erakunde publiko zein pribatu batzuk (Lezamako Udala, BBK…).

EKINTZAK
Behin-behineko proiektua aurkeztean, talde bakoitzari zer-nolako ekintzak burutu daitezkeen galdetuko zaio, denon arteko programa bat osatu arte. Hona hemen proposamen orokor batzuk:
- Argazki erakusketa (Lezaman eta Tamshiyacun).
- Hitzaldiak.
- Hizkuntzalaritza ikerketak eta trukaketak.
- Kultur trukaketak.
- Elkartasunezko kirol eta kultura ekitaldiak.
- Literatura lehiaketak.
- Material bilketa (botikak, liburuak, arropak, kirol-materiala…).
- Bidaiak, eta abar…

AURREKONTUAK
- 0 €-tik hasita, elkarte bakoitzari zertxobait eskatuko zaio lehenengo gastu eta gestioetarako.
- Lezamako Udalari diru-laguntza eskatuko zaio.
- Proiektuan parte hartzen dutenen artean Elkarte Ofiziala sortzea aztertuko da, erakundeetatik diru-laguntzak jaso ahal izateko.

EGUTEGIA
- 2008ko abendua: behin behineko proiektua idatzi eta Lezamako talde guztiei eman parte hartzera gonbidatuz.
- 2008ko abendua: Tamshiyacuko argazki-erakusketa eta proiektuaren aurkezpen publikoa.
- 2009ko urtarrila: taldeen elkartasunak edota atxikimenduak jaso eta proiektuan iniziatibak eta ideiak sartu.
- 2009ko otsaila: Tamshiyacura bidaia antolatzen hasi.
- 2009ko otsaila-ekaina: ekintzak burutu.
- 2009ko uztaila edo abuztua: Lezamatik Tamshiyacura elkartasunezko bidaia.
- 2009ko iraila: erakusketak eta proiektuaren balorazioa.
- 2009ko irailetik aurrera: proiektuaren jarraipena.

JOSE MARI LEGARRETA MISIOLARIARI EGINDAKO ELKARRIZKETA

Basauriar fraidea, San Viator ordenakoa. Bere ama Lezamako Iturribarri baserrikoa zan, eta bere osaba bat, Larrabekoa. Peruko Amazonia lurraldeetan dabil misiolari lanetan. Geure artean izan da eta bere testigantza eredugarria eta interesgarria jasotzeko aprobetxatu dogu.
“Ahalegina egiten dogu herri bezala alkar maite dagien” Aikor aldizkarian 77. alean argitaratuta.

“TAMSHI”=soka eta “YACU”=ura

Estatua: Perú; eskualdea: Loreto; herrialdea: Maynas; barrutia: Fernando Lores; herria: Tamshiyacu. Amazonas ibaiaren hertzean kokatuta, 03º 29’ 57’’ hego latitudean eta 73ª 02’ 24’’ mendebal longitudean. Klima tropikala, beroa eta hezetasun handikoa. Arratsalderako freskatu egiten dau ibaiak dakarren haizetxuaren eraginez. Barrutiak 22.000 biztanle baditu, Tamshiyacun 8.000 aldera batzen dira. Jose Mariren parrokiaren ardurapean 18.000 eliztar geratzen dira. Parrokiaren lurraldea Bizkaia osoa baino zabalagoa da. Gehienak nekazaritzatik bizi dira. Kalitate handikoak dira ananak eta umariak (Poraqueiba sericea). Yuka, bananak eta arto ona be hartzen dira. Hara joateko: Bilbo-Madril-Lima-Iquitos (hegazkinez), Iquitos-Tamshiyacu (gabarraz).
Aurkitu eizu beheko mapan Tamshiyacu herria, Perun. Horretaz gain, berari buruzko datu gehiago, latitudea, longitudea, klima... helbide honetan daukazuz. http://www.fallingrain.com/world/PE/16/Tamshiyacu.html


Ikusi mapa handiagoa